புத்தாண்டே வருக
இரவல் வெளிச்சங்களில்
இமையத்தையும்
எதிர்படவைக்கிறாய்
இன்னும்
ஒராயிரம் வெள்ளம் வந்தாலும் நீரில்மூழ்காமல்
மதுவில் மூழ்கும் திளைக்கும்
மக்களை மகிழ்விக்க வா
அய்லான் முதல் ஐரோம்வரை அத்தனைபேரையும்
எளிதாக மறந்து கடந்துவிட செய்யும் வித்தகவிழாவே வா
இனி எங்களுக்கெல்லாம் காகிதத்தில் காசுபணம்தேவையில்லை
கட்டைவிரல் தேய்க்கும்
கார்டுகள் போதும்
நடைபயிற்சிகள் வேண்டியே
ஊர்திகளில் ஊர்வலம்போவோம்
மருத்துவமனைகளில் தெய்வங்களையும் மனிதர்களையும்
ஒருசேர காணும் உன்னத முன்னேற்றம்
பசுமாட்டின் மடியெல்லாம் பாக்கெட்டுகளிலும்
பேராறுகள் போத்தல்களிலும்
அடைத்துவிடும் அறிவியல் நாயகர்களை அதிகமாக்குவோம் அடுத்த ஆண்டுக்குள்
இறப்புகள் இழப்புகள் எல்லாவற்றையும் செய்தியாக நினைவுச் செப்பேடாக
சேகரித்துவைத்துக்கொள்ளவேனும் வந்துவிடு புத்தாண்டே!
இன்னும் இன்னும் மாறக்கூடும் மனிதர்கள் நரன்களாய்
நாளைய சமூகத்தில்!
காந்தியும் இயேசுவும்
புத்தனும் அல்லாவும் கூட பிறக்ககூடும்
அவ்வப்போது வந்துபோகும்
அபாய காலங்களில்
அவர்களை அடையாளம் காணவேனும்
விருந்தாளியாய் வந்துபோய்விடு
புத்தாண்டே வருக! வருக!
“காந்தியும் இயேசுவும்
பதிலளிநீக்குபுத்தனும் அல்லாவும் கூட
பிறக்ககூடும்
அவ்வப்போது வந்துபோகும்
அபாய காலங்களில்” முதலிய சிலவரிகள் ரசிக்க வைக்கின்றன. கற்பனை வளமும் சொற்புனை நலமும் நன்றாக வரும் உங்களுக்கு, வார்த்தைகளை எப்படிச் சுருக்குவது, வரிகளை எங்கே மடக்குவது என்பதும் தெரிந்தால் இன்னும் சிறக்கும். தொடர்ந்து நல்ல நல்ல கவிதைகளைப் படிக்கப் படிக்கத்தான் அந்த எழுதா இலக்கணம் இயல்பாய்ப் படியும். வாழ்த்துகள்.